Babesleak
Corporación Mondragón
Euskadiko enpresa-talde nagusia eta munduko kooperatiba-talde handiena da. 250 enpresa baino gehiago eta 85.000 langile ditu finantza, industria eta banaketa sektoreetan, baita ikerketa-arloan eta heziketa-arloan ere.
Iberdrola
Euskadin egoitza duen energia-taldea eta zerbitzuen operatzaile globala da. 2009an 2 824 milioi euroko irabazi izan zuen. Mundu osoan 205.000 GWh ekoizten ditu 23 milioi bezerorentzat eta 33.000 langile baino gehiago ditu.
EEE
Eusko Jaurlaritzaren Energiaren Euskal Erakundea da eta zerbitzua ematen dio Industria, Merkataritza eta Turismo Sailari, energiari eta baliabide geologikoei eta meatze-baliabideei dagokionez. Gaur egun energia berriztagarrien proiektuetan jarri du arreta, adibidez, zentral hidrauliko txikietan, zabortegiko biogasen instalazioetan, eguzki-energia termikoan eta energia fotovoltaikoan. 2009. urtean, ia 700 instalazio diruz lagundu ziren eta mugitutako inbertsioa 15 milioi ingurukoa izan zen.
Sener
Aholkularitza, ingeniaritza eta sistemen integrazioan aritzen den enpresa da. 1.500 profesional baino gehiago eta zortzi bulego (Aljeria, Argentina, Arabiar Emirerri Batua, Japonia, Mexiko, Polonia eta Portugal) ditu eta lau kontinentetan jarduten dute hainbat arlotan, hala nola espazioan, obra zibilean, energian, itsasontzietan edo aeronautikan. Ingeniaritzako eta Sistemetako bere fakturazioa 175 milioi eurokoa baino handiagoa da.
Idom
Zerbitzu integratuak (arkitektura, ingeniaritza eta aholkularitza) ematen dituen diziplina arteko taldea da. 2.500 langilek baino gehiagok dihardute lanean, hiru kontinentetako 11 herrialdeetan banatuta dituen 28 bulegoetan. Ia 300.000 milioi euroko fakturazioa izan ohi du.
Cegasa
1934. urtean sortu zen CEGASA Taldea. Lau produkzio-enpresa eta nazioarteko 15 filial ditu. Bost kontinenteetako 60 herrialde baino gehiagotan dago. 200 milioi euro baino gehiago fakturatzen ditu eta ia mila langile ditu.
Gameua
Nazioarteko aerosorgailu garrantzitsuena da eta liderra da Espainian haize-turbinak ekoizten, saltzen eta instalatzen. 2007. urtean 274 milioi euroko salmenta izan zuen. Enpresan ia 7.000 langilek lan egiten dute, horietatik % 30 Espainiatik kanpo.
Guascor
1957an sortu zen industria-talde hau eta itsasoko propultsio-motor eta propultsio–ekipoak fabrikatzen hasi zen. Ondorengo urteetan, mota guztietako gas-motorrak eta baterako sorkuntza sistemak fabrikatzeari ekin zion. 2009. urtean, 300 milioi euro inguru fakturatu zituen (% 50 esportazioetan) eta 2.500 langile baino gehiago ditu.
Naturgas
Gas naturala hornitzeko, banatzeko eta merkaturatzeko energia-taldea da. Gasa garraiatzeko eta banatzeko ekintzak garatzen ditu eta gasa eta elektrizitatea merkaturatzen ditu. Berezko azpiegiturak ditu Espainiako zazpi autonomia-erkidegotan eta 5.500 kilometro baino gehiagoko gas-hodien sarea du. 2009. urtean, bere azpiegiturak 9.000 kilometro gainditu zituen eta 1.031 milioi euroko fakturazioa du. 300 langile baino gehiago ditu eta EDP Taldearen HC Energia sailean dago.
IK4
CEIT, CIDETEC, GAIKER, IDEKO, IKERLAN, TEKNIKER eta VICOMTech zentro teknologikoek osatutako aliantza da.
Energiaren Klusterra
80 enpresa eta erakunde inguruk osatutako elkartea da eta helburu dute beren jarduera Euskadin garatzen duten enpresen energia-alorreko lehiakortasuna hobetzera bideratutako sustapen eta azterketa ekintzak antolatzea. 10.000 milioi euro baino gehiago fakturatzen du eta enplegu zuzena ematen die 25.000 pertsonari baino gehiagori.
Tecnalia
Korporazio teknologiko pribatua eta independentea da eta Euskadiko ingurune teknologikoan sortu da. Azti, European Software Institute (ESI), Inasmet, Labein, Neiker, Robotiker eta Fatronik zentro teknologikoek osatzen dute.
